भैरहवामा लुम्बिनी गेट नजिक शंकास्पद वस्तु फेला, नेपाली सेनाद्वारा डिस्पोज गर्ने तयारी

भैरहवामा लुम्बिनी गेट नजिक शंकास्पद वस्तु फेला, नेपाली सेनाद्वारा डिस्पोज गर्ने तयारी
भैरहवाको व्यस्त क्षेत्रमा पर्ने लुम्बिनी गेट नजिकै आज शंकास्पद वस्तु फेला परेको छ। बोराभित्र राखिएको अवस्थामा देखिएको उक्त वस्तु के हो भन्ने विषयमा अहिलेसम्म यकिन हुन सकेको छैन। स्थानीयले जानकारी दिएपछि सुरक्षाकर्मी तत्काल घटनास्थलमा पुगेर क्षेत्रलाई सुरक्षित बनाएका छन्।
प्रारम्भिक सुरक्षाका उपाय अपनाउँदै मानिसहरूको आवतजावत केही समयका लागि नियन्त्रण गरिएको थियो। त्यसपछि नेपाली सेनाको प्राविधिक टोली बोलाएर वस्तुको अध्ययन गरिएको छ। सेनाले आवश्यक प्रक्रिया पूरा गरी उक्त वस्तु सुरक्षित रूपमा डिस्पोज गर्ने तयारी गरेको जनाएको छ।
हालसम्म कुनै क्षति वा अप्रिय घटना भएको जानकारी आएको छैन। सुरक्षाकर्मीहरूले नागरिकलाई अफवाहमा नपर्न र शान्त रहन आग्रह गरेका छन् भने घटनाबारे थप अनुसन्धान भइरहेको जनाइएको छ।