भैरहवा । नेपाल कम्युनिष्ट पार्टी (एमाले) बाट रुपन्देहीको सिद्धार्थनगर नगरपालिकाको प्रमुखमा डा.रामप्रसाद बस्याल र उपप्रमुखमा उमा अधिकारीले उम्मेदवारी दिएका छन् । सोमबार भैरहवास्थित बाल मन्दिरमा रहेको मुख्य नर्वाचन अधिकृतको कार्यालयमा पुगेर उनीहरुले उम्मेदवारी दर्ता गरेका हुन् ।
सिद्धार्थनगर भैरहवामा पाटिका उम्मेदवारहरुले अत्यन्तै उल्लासमय ढंगले नाच्दै गाउदैं उम्मेदवारी दर्ता गराएका छन् । ४२ डिग्री तापक्रमको पर्वाह नगरी अबिरजात्रा गर्दै माला र खादा पहिरिएका एमाले नेता कार्यकर्ताहरु गायककार प्रीया भन्डारीको सर्वाधीक चर्चित गित सै पनि एमाले मै पनि एमालेको भाकामा गीत गाउदै नाच्दैं भैरहवा बजार गुन्जायमान गराउदैं बजार परिक्रमा गरेका थिए ।
र्यालीको अग्रभागमा रहेका एमाले नेता तथा संघीय सांसद घनश्याम भुसाल, नगर प्रमुख हरि प्रसाद अधिकारी, एमाले नेताहरु राजेन्द्र प्रसाद पन्थि, हितराज पन्थि, अनुप बराल, चोपलाल आचर्य, जिवलाल अर्याल, प्रेम सेन्चुरी, चक्र बहादुर थापा सहित नगरप्रमुखका उम्मेदवार डा। रामप्रसाद बस्याल, उपप्रमुखका उम्मेदवार उमा अधिकारीलगायत सहभागी थिए ।