रूपन्देही–५ को समग्र विकासका लागि तौफिक खानको अपिल : “परिवर्तनका लागि मत दिनुहोस्”

रूपन्देही–५ को समग्र विकासका लागि तौफिक खानको अपिल : “परिवर्तनका लागि मत दिनुहोस्”
राष्ट्रिय स्वतन्त्र पार्टी (रास्वपा) का रूपन्देही–५ का उम्मेदवार तौफिक खानले क्षेत्रको समग्र विकासका लागि आफूलाई मतदान गर्न मतदातासँग आग्रह गर्नुभएको छ। घरदैलो अभियान तथा चुनावी भेटघाटका क्रममा उहाँले रूपन्देही–५ लाई समृद्ध, व्यवस्थित र अवसरयुक्त क्षेत्रका रूपमा विकास गर्ने स्पष्ट योजना प्रस्तुत गर्नुभएको छ।
उहाँले शिक्षा, स्वास्थ्य, कृषि आधुनिकीकरण र रोजगारी सिर्जनालाई प्राथमिकतामा राख्दै पारदर्शी र जवाफदेही नेतृत्व आवश्यक रहेको बताउनुभयो। युवाशक्ति विदेशिन बाध्य हुने अवस्था अन्त्य गर्न स्थानीय स्तरमै रोजगारीका अवसर सिर्जना गरिने उहाँको भनाइ छ। साथै, सडक, खानेपानी, सिँचाइ र पूर्वाधार विकासलाई द्रुत गतिमा अगाडि बढाउने प्रतिबद्धता जनाउनुभयो।
उम्मेदवार खानले राजनीति सेवाको माध्यम भएको उल्लेख गर्दै स्वच्छ, इमानदार र परिणाममुखी काममार्फत जनताको विश्वास जित्ने अठोट व्यक्त गर्नुभयो। “रूपन्देही–५ को उज्ज्वल भविष्यका लागि परिवर्तन आवश्यक छ,” भन्दै उहाँले आफ्नो चुनाव चिन्हमा मतदान गरी विजयी गराउन सबै मतदातासँग हार्दिक अपिल गर्नुभएको छ।